Bildu eta Aralar-en aldeko botoekin hartu zuen Markina-Xemeingo Udalak UEMAn sartzeko erabakia atzo egindako udalbatzan. Mankomunitateko Batzar Nagusiaren onarpena jasotakoan izango da ofizialki Markina-Xemein UEMAko kide. Markina-Xemein UEMAk biltzen duen 72. udalerria izatera pasako da.

Maren Belastegi UEMAko lehendakariak iritzi artikulua argitaratu du. Belastegiren iritziz "osasungintzan ere arnasguneak sortu ezean, nekez lortuko da Osakidetzan euskararen normalizazioa." UEMA bere aldetik, "dagokion eremutik eta ahal duen neurrian" laguntzeko prest dagoela nabarmendu nahi izan du, eta "lankidetzarako gune berriak" eskaintzeko eskatu dio Eusko Jaurlaritzako Osasun Sailari.

Goizane Arana UEMAko euskara teknikariariak hainbat herritan egiten ari diren tailerren berri emango du 12:30 inguruan. Lizarrustiko aterpetxeaz, euskaltegiak, Errigora proiektua edota “Lunatikoak” liburuari buruz ere ariko dira saio berean.

Maren Belastegik UEMAko lehendakariak eta Andoni Barreña Garabideko presidenteak sinatu dute bi erakundeen arteko hitzarmena. Nazioarteko garapen-lankidetzan hizkuntza irizpideak dagokion lekua izan dezan lortu nahi da horrela. Beti ere, garapen iraunkorra abiapuntutzat hartuta.