Maren Belastegi, UEMAko lehendakaria eta Iban Arregi Berria Taldeko kontseilari ordezkaria egin dute kanpainaren aurkezpena Azpeitiko Sanagustin Kulturgunean. Irakurle berriak erakartzeko eta euskararen normalizazioan eragiteko kanpaina UEMAko udalerri guztietara zabalduko da, eta maiatzaren 31tik aurrera argitaratuko den BERRIA berria doan jasoko dute, eskatzen dutenek, ekainaren 3tik 15era.

Kontseiluko zuzendaritzak gogor gaitzetsi du Espainiako Estatuak, Araban, Bizkaian eta Gipuzkoan duen ordezkariaren, Carlos Urkixoren bitartez azken hilabeteotan hizkuntza-politikaren arloan egindako esku-hartzeak. Horrekin batera, urgentziazko harreman fase bat zabalduko du alderdi zein instituzioekin diagnostikoa partekatzeko.

Nafarroako UEMAko hainbat udaletako ordezkari Leitzan batu dira, eta bertan egin duten prentsa agerraldiaren bitartez, Nafarroako Gobernuaren hizkuntza politikak euskara eremu publikotik erabat desagerrarazi nahi duela salatu dute. Nafarroako euskalgintzak bizi duen egoeraren aitzinean "kezkatuta eta haserre" agertu dira. Euskara sustatzeko diru laguntzarik gabe, udaletatik hizkuntza politika aurrerakoiak bultzatzeko egiten ari diren ahalegina esfortzua azpimarratu dute.

UEMAk, Udalerri Euskaldunen Mankomunitateak, 20. urteurrenaren harira egindako hausnarketaren ondorioak izan dituzte hizpide Nekane Zinkunegik eta EMUN kooperatibako Ainhoa Lasak gidatutako saioan. UEMAk, bere udaletan, euskararen erabileraren inguruan egindako diagnostikoaren emaitzak aztertu dituzte, eta UEMAko koordinatzaileak, udalen euskalduntzean urratsak egiten...