Lekeitioko Udaleko Euskara batzordeko kideak euskararen erabilera sustatzeko hainbat ekintza antolatzen ari dira, herritarrekin elkarlanean. Otsailaren 22an, hitzaldi sorta eta mahai inguru interesgarria antolatu dituzte. Fermin Etxegoien, Jon Sarasua eta Joxerra Gartziak hitzaldi bana emango dute, eta jarraian mahai ingurua egingo da hizlariekin.

Ekimenaren aurkezpenean parte hartu dute Josu Unanue alkateorde eta Euskara zinegotzia, Maite Alvarez Euskara teknikaria, Aitziber Gabikaetxebarria Euskara teknikaria eta Itziar Rekalde Ipuin Lapikoko gidariak, besteak beste. Ahozkotasunaren transmisioaren bidez gizartearen identitatea berreskuratu nahi duen Ipuin lapikoaren hirugarren ikasturtea da, aurtengoa.