Udalerri Euskaldunen Eguneko leloarekin bat eginez, “euskaraz gara” mosaikoa osatu dute Goizuetako herritarrek. Horrela, udalerri euskaldunek euskararen geroan jokatzen dute paper garrantzitsua lau haizetara zabaldu nahi izan dute. Gogora ekarri dute udalerri euskaldunek elkarlanean egiteko garrantzitsua dutela, “euskararen lurgunea trinkotzea, saretzea, eta nola ez, hedatzea”.

Ttur-ttur Euskaltzaleon Bilgunea eta Oiartzungo Udalaren arteko hitzarmenari esker egingo da kanpaina. Merkatari eta ostalariak euren zerbitzua euskaraz ematera animatu nahi dituzte, eta herritarrei ere dei egin diete laguntza emateko. Berriki, establezimenduetan zerbitzua euskaratzeko eskura dituzten doako zerbitzu eta materialen berri eman diete merkatari eta ostalariei, gutun bidez.

Hainbat ekitaldi egingo dituzte Euskararen Astean: erakusketa, mahai ingurua, tailerra… Euskararen Astearekin batera, Euskai marka ere aurkeztu dute. Marka berriarekin, Euskararen Aholku Batzordearen baitan, hainbat eragilek egiten duten lana zabaldu eta euskara hazten eta zabaltzen doala erakutsi nahi dute.

Orioko Udaleko arduradunak kezkatuta agertu dira gurasoek erdaraz hitz egiteko duten joerak gaztetxoengan izan dezakeen eragina dela eta. Jon Agirresarobe euskara zinegotziak gogora ekarri du gurasoak haurren erreferente direla, eta “gurasoak parkean edo etxean gaztelaniaz aritzen badira, haurrek ohitura horiek ikasiko dituzte konturatu gabe”. Aita, ama… kontu bat du zuei esateko programaren bitartze gurasoen hizkuntza ohituretan eragin nahi dute.