Gipuzkoako Foru Aldundiak antolatutako #1euskara jardunaldian parte hartu du UEMAk. Maren Belastegi UEMAko lehendakariaren esanetan, UEMAk eta UEMAko udalek frogatu dute administrazioan ere euskaraz funtzionatu daitekeela. "Erreferentzia bat markatu dugu, eta erreferentzia horretara iritsi nahi izanez gero, euskarari garrantzia eta lehentasuna eman beharko zaio ezinbestean.”

Ikasturtearekin batera, hainbat eragilek hasi dute herritarrak euskara ikastera edota hobetzera animatzeko kanpaina. UEMAk ere, hainbat udalekin elkarlanean, euskaraz ikastera deitu nahi ditu herritarrak. Zehazki, Adunan, Seguran, Itsasondon, Lizartzan, Altzagan eta Araman UEMAren laguntzari esker egingo dute kanpaina bertako udalek eta herritik gertuen duten euskaltegiek.

Hau Pittu Hau Konpartsak ematen duen Euskara Sariaren asmoa da hainbat eta hainbat taldek eta lagunek euskararen alde egiten duten lana aitortzea eta saritzea. 2003an hasi ziren sari hau banatzen Bilboko Aste Nagusiko astelehenean, eta ordudanik, urtero euskararen alde denetariko arlotan lan egiten duten norbanako zein taldeek irabazi dute.

Tolosaldea eskualde euskalduna dela gogora ekarri eta euskararen arnasguneak sendotu eta hedatzearen garrantzia azpimarratu dute. Aurreratu dutenez, Udalerri Euskaldunen Egunean hainbat udalerri euskaldunetako alkate eta zinegotzik adierazpen bateratua plazaratuko dute. Asko dira, “Euskarak batzen gaitu” adierazpenarekin bat egin duten ordezkariak, eta horietako asko, jada alkate eta zinegotzi ugarik konfirmatu dute, adierazpena babestera joango dira Tolosara.