Euskararen Nazioarteko Eguna dela eta, iritzi artikulua plazaratu du Maren Belastegi UEMAko lehendakariak. Belastegik euskara sustatzeko ahaleginean murgildu diren instituzio, eragile eta herritarrak zoriondu nahi izan ditu, "Beraien ekarpenik gabe, ez legoke euskara bizirik, eta guztion arteko elkarlanik gabe ez dugu lortuko euskara normalizatzerik."

UEMAk Nafarroako Parlamentuko Lehendakaritza batzordean agerraldia egiteko EHBildu eta NaBai talde parlamentarioek egindako eskaerari ezezkoa eman diote UPN, PP eta PSNko ordezkariek. Eneka Maiz eta Jon Abrilek, UEMAren Zuzendaritza batzordeko kideek, idatzitako iritzi arikuluan oso larritzat jo dute gertatutakoa. "Hartutako erabakiarekin, Mankomunitatea bera ez ezik euskalgintza osoa mespretxatu eta gutxietsi dutela uste dugu".

Iker Salaberriak, Kontseiluko Koordinatzaileak, euskarak osasungintzan bizi duen egoeraren inguruko hausnarketa egin du hainbat hedabideetara igorritako iritzi artikuluan. Kontseiluko osasungintzako lantaldeko ondorengo ordezkariok ere sinatu dute artikulua: Goizane Arana (UEMA), Garbiñe Petriati (Hizkuntz Eskubideen Behatokia), , Karlos Ibarguren (Osasungoa Euskalduntzeko Erakundea), Mikel Ozaita (Euskaltzaleen Topagunea) eta Xabat Laborde (Euskal Herrian Euskaraz).

Iker Salaberria Euskararen Kontseiluko koordinatzaileak Udalerri Euskaldunen egunean parte hartzeko deia egin du iritzi artikulu baten bitartez. Izan ere, “hizkuntza normalizazio prozesuak aski erakutsi digu jada arnasguneen beharraz, hauek indartu eta hedatzearen garrantziaz ohartzeko. Ikasi dugu euskara gaitasun hutsa nahikoa hutsa dela berau erabiltzeko espazioz bete ezean”.