Patxi Baztarrika Eusko Jaurlaritzako Hizkuntza Politikako Saiburuordeak El Diario Vasco egunkariari egindako adierazpenetan, gogora ekarri du administrazio guztiak, baita Estatuko administrazioa bera ere, behartuta daudela herritarren hizkuntza eskubideak babestera.

Antolatzaileen arabera 10.000 pertsonak hartu zuten parte "Gurea lingua navarrorum-a!" lelopean egindako manifestazioan. Paul Bilbao Kontseiluako idazkari nagusiaren arabera, "egungo hizkuntza politikak euskara desagerrarazi nahi du". Horregatik, denon artean "baldintza berriak sortu behar” direla azpimarratu zuen Bilbaok. “Nafarroan eman beharreko aldaketan agertoki berria eraiki behar dugu, non euskaraz bizitzea aldarria izatetik errealitate bihurtuko den".

Euskalgintzako hainbat eragiletako ordezkarik, tartean Eneka Maiz UEMAko Zuzendaritza batzordeko kideak, egin dute protestarako deialdia. Horrela, euskararen alde, euskararen aurkako erasoak salatzeko, eta euskaraz bizitzeko eskubidea aldarrikatu nahi dute. Nafarroako hiriburuko Antoniutti parketik abiatuko da manifestazioa martxoaren 22an, 17:30ean.