UEMAko, Nafarroako Bertsozale Elkarteko, IKA eta AEK euskaltegietako eta beste hainbat elkarte eta erakundetako ordezkariek elkarretaratzea egin zuten, atzo, Nafarroako Legebiltzarraren aurrean, Euskarabideako zuzendari Maximino Gomezek Hezkuntza batzordean egindako agerraldiaren harira. Nafarroako Gobernuak euskara eremu guztietatik desagerrarazi nahi duela salatu zuten.

Kontseiluak deituta, 19 udalerritan egin dituzte elkarretaratzeak. Euskararen normalizazioaren aldeko neurriak babestu dituzte herritarrek. UEMAko hainbat ordezkarik ere parte hartu dute protesta ekitaldietan. Asier Mujika, UEMAko lehendakariordea eta Aramako alkatea Tolosako ekitaldian izan da. (Argazkian, Paul Bilbao Kontseiluako idazkari nagusiaren ondoan)

V. mapa soziolinguistikoa eman du ezagutzera Eusko Jaurlaritzak. Hainbat datu eta irakurketa zabala biltzen ditu lanak. Baina, arnasguneak euskararentzat garrantzitsuak direla kontsentsu zabalaz baieztatzen den honetan, zein da gune euskaldunek azken urteotan izan duten bilakaera? Gune soziolinguistiko euskaldunari lotutako hainbat datu bildu ditugu V. mapa soziolinguistikotik.

Atzo hasita, Euskal Herriko itzuliak hainbat udalerri euskaldun zeharkatuko ditu. Udalerri horien errealitate soziolinguistikoa kontutan hartu eta errespetatzeko eskatu du UEMAK. Euskal Herriko itzuliko antolatzaileekin harremanetan jarrita, UEMAko herrietan jarriko diren idatzizko euskarriak zein ahoz egingo diren adierazpenak euskaraz egiteko eskatu die Mankomunitateak.