Bildu eta Aralar-NaBai taldeek aurkeztuta, UEMAren eskaerak jasotzen zituen mozioa eztabaidatu dute, gaur, Nafarroako Parlamentuan egindako osoko bilkuran. Mozioak, , I-E eta Geroa Bairen babesa jaso badu ere, ez da nahikoa izan aurrera ateratzeko. UEMAk salatu du “hankamotza suertatuta ere, indarrean dagoen euskararen legea bera ere garatzeko eta betetzeko ez dutela inolako borondate politikorik, ez UPNk, ez PPk, eta ezta PSNk ere.”

Nafarroako Parlamentuko Lehendakaritza, Jusitizia, eta Barne Saileko Batzordean agerraldia egin dute Eneka Maiz eta Jon Abril UEMAko Zuzendaritza Batzordeko kideek. Nafarroako euskararen legeak dioen moduan, progresiboki herritarren hizkuntza eskubideak bermatu daitezen lortzeko proposamen zehatza egiteko baliatu dute lan saioa.

Bihar, goizeko 11:00etan, Nafarroako Parlamentuko Lehendakaritza, Jusitizia eta Barne saileko batzordean agerraldia egingo du UEMAk. EHBildu eta NaBai talde parlamentarioek eskatuta, eta UEMAri ezarritako betoa gaindituta, Nafarroako osasun etxe eta liburutegietan gertatzen den hizkuntza eskubideen urraketa sistematikoa gainditzeko proposamena egingo du, UEMAk. Zehazki, plantilla organikoa aldatzeko eskatuko du.

Nerea Perezek, Nafarroa Bai-ko parlamentariak, UEMAri ezarritako betoa salatu du Nafarroako Parlamentuan. Ondotik, legeak udalerri euskaldunetako herritarrei onartzen dizkien hizkuntza eskubideak ez direla errespetatzen ohartarazi dute NaBai eta EH Bildu-ko talde Parlamentariek.