Eusko Jaurlaritzak, Nafarroako Gobernuak eta Euskararen Erakunde Publikoak euskarazko ulermena identifikatu eta aitortuko duen marka bateratua sortu dute: Euskaraz barra-barra.
Establezimenduan bezero euskaldunaren mezuak ulertzea da Euskaraz barra-barra bereizgarria eskuratzeko gutxieneko baldintza. Bezero hori hizkuntza aldatzera ez behartzea da markaren helburua. Bezeroek establezimendu horietan euskaraz egitea erraztea, alegia.
UEMA mankomunitateko kide diren zazpi udalerritan aritu da marka bateratua zabaltzen, bezeroen eta establezimenduen erantzuna aztertzeko. Zehazki: Aramaion, Atxondo, Bakion, Beran, Bermeon, Elizondon, Etxarri Aranatzen eta Igorren.
Proiektu pilotuaren eragina ebaluatzeko, parte hartu zuten establezimenduetan berezoak betetzeko inkestak banatu zituen UEMAk. Ondotik, inkestak bete zituzten bezero guztien artean, 100 euroko bina erosketa bono zozketa zituen. Aste honetan, berriz, zozketan sarituak izan diren Berako Xulufraia dendako eta Igorreko Politte dendako bezeroei banatu dizkie dagozkien sariak.
Zorionak irabazleei eta segi dezegun euskara barra-barra zabaltzen.
Gai honi buruzko informazio osagarria:
ยท ‘Euskaraz barra-barra’ marka berria zabaltzen hasi dira zerbitzu sektorean (erran.eus, 2023-01-11).
