Udalerri euskaldunetako gazteen harremanak saretzeko eta sendotzeko eguna izango da Gazteok Arnas Eguna. Salto udalekuen ostean sortutako harremanetatik sortu da egun osoko topaketa egiteko asmoa, eta bertan, udalekuetan parte hartu zuten gazteak zein udalerri euskaldunetako gazteak elkartzea da asmoa. UEMAko zenbait udalerritatik autobusak egongo dira Larrabetzura joateko.
Larrabetzuko gazteekin batera antolatu dugu Gazteok Arnas Eguna, eta gazteen nahietatik abiatutako egitaraua da Larrabetzun: tailerrak, ekitaldia, bertso-bazkaria, Zo-Zongó perkushow taldea, Nahia Novo DJa, Kuluxka Klan…
Izena emateko, galdetegi hau bete behar dute gazteek, eta joan-etorria autobusez egiteko aukera izango dute, euren zonaldeko autobusa betez gero. Izena emateko 15 euro ordaindu behar dute gazteek.
Hemeroteka:
- Gazteok Arnas egunera joateko autobusa antolatu du Uemak (uztarria.eus 2022-11-11)
- Gazteok Arnas eguna izango da azaroaren 26an Larrabetzun, eta autobusa aterako da Amasa-Villabonatik (villabona.eus, 2022-11-11)
- Gazteok Arnas egunera joateko autobusa antolatu dute (ataria.eus, 2022-11-10)
