Espainiako Gobernuak herenegun ezarritako alarma egoeraren ondotik, eta Eusko Jaurlaritzak eta Nafarroako Gobernuak Covid-19ak eragindako osasun larrialdiari erantzun nahian mugikortasuna mugatzeko hartutako neurrien ondoren, gaur barra-barra ari dira bateko eta besteko enpresak eta erakundeak langileei mugikortasuna bermatu ahal izateko ziurtagiriak egiten.

Zenbait udalek horien euskarazko bertsioak eskatu dizkiotenez UEMAri, bi ereduak jarri ditugu hemen, behar duten udalek edota enpresek langileentzat euskaraz bete ahal izateko.

ERANTZUKIZUNPEKO ADIERAZPENA, LANA DELA-ETA JOAN-ETORRIAK EGIN BEHARRARI BURUZKOA.
· Nafarroako Gobernuaren eredua (.doc).
· Nafarroako Gobernuaren eredua (.pdf).
· Eusko Jaurlaritzaren eredua (.doc).
· Eusko Jaurlaritzaren eredua (.pdf).