Udaren atarian UEMAk, 61 udalek eta hainbat eskualdetako garapen agentziek elkarlanean abiarazitako Bertatik Bertara kanpaina areago zabaltzeko eta ezagutarazteko, ‘hitzak eta argazkiak’ izeneko ekimenaren baitan, sariak banatuko ditu UEMAk. Zehazki, gaur hasi eta uda amaitzen den arte, Twitter, Facebook, Instagram eta Mastodon sare sozialetan #bertatikbertara traolarekin zabalduko diren argazkiak, leloak eta esaldiak hartuko dira kontuan.

Parte hartzeko baldintzak

· uztailaren 21etik irailaren 21era Twitter, Facebook, Instagram eta
Mastodon sare sozialetan #bertatikbertara traolarekin zabalduko diren
argazkiak, leloak eta esaldiak hartuko dira kontuan.
· Argazkien kasuan, Bertatik Bertara kanpainako mahai-gainekoak edo
kartelak agertzea baloratuko da, baina ez da beharrezkoa izango.
· Esaldien kasuan, Bertatik Bertara kanpainaren helburuekin bat
egiten duten leloak hartuko dira kontuan.

Sariak

· Bi lagunentzako gaua eta gosaria Mutrikuko Arbe hotelean.
· Bi lagunentzako bazkaria edo afaria Oiartzungo Usategieta jatetxean.
· Bertako elikagaiekin osatutako saskia Zarauzko Lakari dendan.

Parte-hartzaile guztien artean zozketa egin ondoren, irailaren 23an jakinaraziko dira saridunak, uema.eus webgunean eta UEMAren sare bideetan.