Gaur arratsaldean hasiko diren ekitaldiekin emango zaio hasiera aurtengo Udalerri Euskaldunen Egunari. Izan ere, aurten, bi eguneko egitaraua osatu dute Dimako Udalak, Arratiako hainbat eragilek eta UEMAk, elkarlanean, bihar izango den Udalerri Euskaldunen Egunaren harira.
BERRIA egunkariak, gaurko zenbakiarekin batera, lau orrialdeko gehigarria argitaratu du Udalerri Euskaldunen Egunari buruzko informazioarekin. Miren Garate kazetariaren sinadurapean, besteak beste, egitarauaren nondik norakoak, bihartik aurrera UEMAra batuko diren Bakio eta Arantzazu herrien ingurukoak, eta UEMAko lehendakari Josu Labakaren elkarrizketa irakur daitezke gehigarrian.
Hemen duzue osorik irakurgai, PDFan.
