UEMAk eskatuta, Soziolinguistika Klusterrak eta Gaindegiak, udalerri euskaldunen bilakaeraren inguruan egindako azterketek interesa piztu eta zeresana ematen jarraitzen dute. Argia astekarian, Iñaki Iurrebaso eta Imanol Esnaolari egindako elkarrizketa banaren bitartez landu dute gaia. Iurrebasoren esanetan "Udalerri euskaldunak gaur egun ez dira hain euskaldunak". Esnaolaren ustez, “lurgune euskaldunek soziolinguistikoki duten izaera hauskorra ez da aintzat hartu, eta ez da berariaz azterketa eta esku-hartzerik egin.”

Euskararen erabilera handitzea helburu duen Kalinpan maskotak bost urte beteko ditu eta Bermeoko XXI. Arrain Azokan ospatuko du bere urtebetetzea panpina berrituta. Horren berri eman dute gaur Irune Ormaetxeak, Turismo, Kirol eta Merkataritza zinegotziak, eta Maite Alvarezek, Euskara teknikariak, Kalinpanekin batera egindako prentsaurrekoan.

Euskararen arnasguneen inguruko tailerrak izandako arrakastaren ondotik, formazio eskaintza berritu du UEMAk. Itsasondon egin dute lehen formazio saioa eta "gustora" agertu dira, bai parte hartzaileak, eta baita UEMAko teknikariak ere. Adunan eta Berastegin maiatzerako jarri dituzte hitzorduak eta datozen hilabeteetan hainbat herritan egingo dituzte antzeko saioak.

Udalen hizkuntza-politikaren hirugarren azterketa aurkeztu du Kontseiluak. Ondorio nagusia da hizkuntza-politika definitzen duten neurrien arteko desoreka, Paul Bilbao, idazkari nagusiak esan duenez; izan ere, orokorrean sustapenaren aldekoak, alegia izaera asistentziala dutenak betearazleak direnak baino gehiago dira. Interneten Kontseiluaren webbgunean ikus daitezke datuak.