200 pertsona baino gehiagok parte hartu dute Gipuzkoako Foru Aldundiak, UEMAk, Kontseiluak eta UEUk antolatu duten “Hizkuntza eta Lurraldea. Lurraldea eta Hizkuntza” jardunaldian Bertan, lurralde-antolamenduak eta hirigintzak hiztun-komunitatearengan duen eragina aztertu dute. Antolatzaileak pozik daude jardunaldiak sortarazi duen interesarekin eta konpromisoa hartu dute ELE (Eragin Linguistikoaren Ebaluazioa) izeneko tresna definitzeko, bigarren jardunaldi batean aurkezteko.

Zigor Etxeburuak, Gipuzkoako Foru Aldundiko Euskara Zuzendariak; Maren Belastegik, UEMAko lehendakariak; Paul Bilbaok, Kontseiluko Idazkari Nagusiak eta Unai Fernandez de Betoñok, UEUko zuzendaritzakideak hartu dute parte jardunaldiaren sarrera ekitaldian. Jardunaldiak sortu duten jakinminaren adibide, aretoa beteta eman zaio hasiera jardunaldiari. Gaur eta bihar, hitzaldi eta mahai inguru interesgarriak izango dira, Donostiako Carlos Santamaria zentroan.

Maren Belastegi, UEMAko Lehendakariak, iritzi artikulua argitaratu du, gaur, Gara egunkarian. Ostegun eta Ostiralean Donostiako UPV/EHUren Carlos Santamaria zentroan egingo diren Lurraldea & Hizkuntza jardunaldiek duten garrantzia azpimarratu nahi izan du horrela UEMAko lehendakariak.

Gipuzkoako Foru Aldundiak, UEMAk, Kontseiluak eta UEUk “Hizkuntza eta Lurraldea. Lurraldea eta Hizkuntza” jardunaldia antolatu dute hazkunde urbanistikoaren eta hizkuntza-aldaketaren arteko harremana aztertzeko helburuarekin. Euskal Herriko kasu batzuk ezagutzeaz gain, Aland Uharteak, Flandria eta Galeseko ordezkariak ere entzuteko aukera izango dugu bertan. Topaketak urtarrilaren 16 eta 17an egingo dira, Donostian, UPV/EHUren Carlos Santamaria zentroan.