UEMAk, Mankomunitateko kide diren udalekin elkarlanean, errenta aitorpena euskaraz egiteko kanpaina jarri du abian. 2014an, Mankomunitatetik harago doa elkarlana, Bizkaiko Foru Aldundiak eta Gernika-Lumo, Ordizia, Lazkao, Villabona, Zizurkil eta Ibarrako udalek ere parte hartuko dute. Kanpainaren bitartez, herritarrek administrazioarekin dituzten harremanak euskarazkoak izan daitezen bultzatu nahi da.

UEMAk, Nafarroako Palamentuko lan saioaren inguruko balorazio egin du. Oharrean dio Nafarroako Gobernuak euskararen aurkako politika tinko defendatzen badu ere, herritarren eskubide eta beharrak kontutan hartzen ez dituenez, bere posizioa ahula dela. Jarrera makur hori ezin daiteke denbora luzez gailendu UEMAren ustez. Eta elkarlanean aritzeko deia egin du, Nafarroako Gobernuaren zain egon gabe, herrietan euskararen arnasguneak sortu eta zabaltzen joateko.

Aralar-Nafarroa Bai eta Bildu-Nafarroa talde parlarmentarioek, UEMAk egindako eskariak bere eginez, aurkeztu dute ebazpen proposamena. Mozioaren helburua da "eremu euskaldunean" bizitza sozial guztia, publikoa zein pribatua, euskaraz izan dadin bideak urratzea.

Lizartzako guraso elkarteak eskola berria eskatzeko sinadura bilketa abiatu du. Lizartza eta Orexako ikasleek ikasten dute Lizartzako ikastetxean. Lizartza eta Orexa udalerri euskaldunak dira, euskararen arnasguneak. Eta ondorioz, euskararentzat ere garrantzitsua da udalerrion bizi indarra sustatzeko neurri egokiak hartzea.