Gaur egun, 70 udalerrik osatzen dute UEMA eta hego Euskal Herriko lau herrialdeetako udalak biltzen dituen mankomunitate bakarra da. Eremu instituzionalean, euskalduntzeari dagokionez, erreferentzia bilakatu da UEMA. Egungo Zuzendaritza batzordea osatzen duten lau alderdi politikotako ordezkariak (Bildu, EAJ, Aralar eta independenteak) erronka berari lotuta dihardute lanean, udalerri euskaldunek osatzen duten arnasgune linguistiko kulturalen lurralde-sarea osatzea eta ahalmentzea.

Eusko Jaurlaritzak V. Mapa soziolinguistikoak utzitako datuak eman ditu ezagutzera berriki. Oso gutxi hitz egin da, azken urteotan, gune soziolinguistiko euskaldunenek izandako bilakaeraz. Maren Belastegi UEMAko lehendakariak arnasguneen inguruko hausnarketa plazaratu du iritzi artikulu baten bitartez.

Orioko Udaleko arduradunak kezkatuta agertu dira gurasoek erdaraz hitz egiteko duten joerak gaztetxoengan izan dezakeen eragina dela eta. Jon Agirresarobe euskara zinegotziak gogora ekarri du gurasoak haurren erreferente direla, eta “gurasoak parkean edo etxean gaztelaniaz aritzen badira, haurrek ohitura horiek ikasiko dituzte konturatu gabe”. Aita, ama… kontu bat du zuei esateko programaren bitartze gurasoen hizkuntza ohituretan eragin nahi dute.

Kontseiluak deituta, 19 udalerritan egin dituzte elkarretaratzeak. Euskararen normalizazioaren aldeko neurriak babestu dituzte herritarrek. UEMAko hainbat ordezkarik ere parte hartu dute protesta ekitaldietan. Asier Mujika, UEMAko lehendakariordea eta Aramako alkatea Tolosako ekitaldian izan da. (Argazkian, Paul Bilbao Kontseiluako idazkari nagusiaren ondoan)