Bermeoko Udalak errenta aitorpena euskaraz egiteko aurten martxan jarritako kanpainak berritasun bat izan du, hain zuzen ere, aurten Euskara Saileko ordezkariak Bermeon errenta aitorpena egiten duten bost banketxeetako zuzendariekin harremanetan jarri dira errenta aitorpena euskaraz egiteko erraztasunak eman ditzaten eta “lan honek bere emaitza positiboak izan ditu”.

Hiru pediatra dituzte, bi euskaldun elebidun eta erdaldun elebakar bat. Pediatra euskaldun batek baja hartu du, ordea, eta ordezkapena egitera pediatra erdalduna ekarri dute. Beraz, une honetan, bi pediatra erdaldun eta euskaldun bakarra dituzte. Bestalde, pediatrarena nahikoa ez eta arratsaldez, gauez eta asteburuetan arreta eskaintzen duen medikua ere ez da elebiduna momentu honetan, elebidun baten ordezkoa hau ere.

Natul euskara elkarteko kideak bi egunez aritu dira izen-abizenak euskalduntzeko kanpaina egiten. Herritar asko hurbildu da herriko plazan jarritako mahaira eta lortutako emaitzarekin “gustura” azaldu dira euskara elkarteko kideak.

Maiatzean egin zion UEMAk EHUri udako ikastaroetan euskarazko eskaintza igotzeko eskaria. Udalerri euskaldunetako biztanleek hainbat zerbitzu herriz kanpo jaso behar izaten dituzte, unibertsitatea da zerbitzu horietako bat, eta horrek arnasguneetako herritarrengan eragin zuzena du. UEMAren arabera “arnasguneak indartze bidean oztopoa da EHUren udako eskaintza”. EHUk emandako erantzunean aipatu du euskarazko ikastaroen eskaintza handitzeko lanean jarraituko dutela.