Euskaraz Gara Bortziriak 20140530Orain arte UEMA Eguna izan dena aurten Udalerri Euskaldunen Eguna izanen da. Tolosan eginen da, ekainaren 14an. Goizuetako herritarrek egun horretan parte hartzeko eta bertara joateko deia egin dute, eta horretarako “Euskaraz Gara” leloarekin mosaiko bat osatu dute, argazkian ikus daitekeen moduan.

Udal langileak, Gaztetxeko kideak, tabernariak, merkatariak, euskalgintzako kideak, kazetariak, sindikatuetako ordezkariak, kulturgintzakoak eta osasun langileak hartu dute parte bideoan, besteak beste.  Hainbat herritarrek, haur,  gazte eta heldu, bat eginda osatu dute “euskaraz gara” leloa.

Etxarri-Aranatzen euskaraz bizi dira nagusiki bertako herritarrak. Euskaraz gara leloarekin bat eginda,  halaxe aldarrikatu dute bertako hainbat herritarrek. Ekainaren 14an, Tolosan, ospatuko den Udalerri Euskaldunen Eguaren bat eginda, euskararen arnasguneek hizkuntzaren normalizaziorako duten garrantzia azpimarratu nahi izan dute.

Ekainaren 14an, Tolosan, ospatuko den Udalerri Euskaldunen Egunaren harira, gonbidapena egiteaz gain, hainbat hausnarketa partekatu dituzte. Zehazki, arnasguneen garrantzia eta euskaldunen jokamolde aktiboa aldarrikatu nahi izan dituzte. "Ezinbestekoa iruditzen zaigu arnasguneak sendotzeari begirako lana, eta, horretarako, dauden hutsuneen zergatiei erreparatzea eta hutsuneak dauden eremu horietan eragiteko lanei ekitea".