Antolatzaileen arabera 10.000 pertsonak hartu zuten parte "Gurea lingua navarrorum-a!" lelopean egindako manifestazioan. Paul Bilbao Kontseiluako idazkari nagusiaren arabera, "egungo hizkuntza politikak euskara desagerrarazi nahi du". Horregatik, denon artean "baldintza berriak sortu behar” direla azpimarratu zuen Bilbaok. “Nafarroan eman beharreko aldaketan agertoki berria eraiki behar dugu, non euskaraz bizitzea aldarria izatetik errealitate bihurtuko den".

Prentsa agerraldia egin dute Baztanen ‘Mediku eskualduna nahi dut’ kanpainaren orain artioko emaitzak baloratu eta hemendik aitzina Baztango Udalaren ekimenak aurkezteko. Garbiñe Elizegi Baztango alkatea, Maitane Maritorena Baztango Euskara eta Kultura zinegotzia eta Jon Abril UEMAko Zuzendaritza batzordeko kideak eman dituzte azalpenak. Lau astetan 65 eskaera bildu dira familia-medikuntza eta pediatria ez ezik ginekologia zerbitzua eta osasun zerbitzu oro ere euskaraz izateko

Kontseiluko zuzendaritzak gogor gaitzetsi du Espainiako Estatuak, Araban, Bizkaian eta Gipuzkoan duen ordezkariaren, Carlos Urkixoren bitartez azken hilabeteotan hizkuntza-politikaren arloan egindako esku-hartzeak. Horrekin batera, urgentziazko harreman fase bat zabalduko du alderdi zein instituzioekin diagnostikoa partekatzeko.

Nafarroako Iparraldeko Euskara Mankomunitateak, UEMArekin eta euskalgintzako beste zenbait eragilerekin batera, mediku nahiz pediatra euskalduna eskatzeko ekimena antolatu du. Pediatra euskalduna izateko eskaera landuko da bereziki, eta horretarako gurasoen eskaera sinatuak bildu eta bideratuko dira.