Ekimenaren aurkezpenean parte hartu dute Josu Unanue alkateorde eta Euskara zinegotzia, Maite Alvarez Euskara teknikaria, Aitziber Gabikaetxebarria Euskara teknikaria eta Itziar Rekalde Ipuin Lapikoko gidariak, besteak beste. Ahozkotasunaren transmisioaren bidez gizartearen identitatea berreskuratu nahi duen Ipuin lapikoaren hirugarren ikasturtea da, aurtengoa.

Imanol Haro UEMAko euskara teknikariari elkarrizketa egin dio Maite Artola Euskadi Irratiko kazetariak. Aulestia, Zarautz eta Etxarri-Aranatzeko adibideak ere jaso dituzte. Mikel Ansotegi, Gari Berasaluze eta Eneka Maiz UEMAko ordezkari eta aipatu herrietako zinegotziek ere parte hartu dute elkarrizketan.

Eusko Jaurlaritzaren eskumena da suzko zezenak eramateko prestakuntza ematea. Ikastaroa gaztelaniaz bakarrik antolatu dutela eta, “herritarrek erakunde publikoetatik antolatzen diren ikastaroak euskaraz egiteko duten eskubidea berma dadin behar besteko neurriak hartzea” eskatu du UEMAk.

Gaur egindako prentsa agerraldian, euskararen normalizazio prozesuan Osakidetza bezalako zerbitzuen euskalduntzeak duen garrantzia gogora ekarri dute. Orain dela hilabete gutxi onartu du Osakidetzak euskalduntzeko plan estrategikoa, eta hemendik gutxira, lekuan lekuko planak egiten hasiko dira. Plana aurkeztu zenean, proposamen oso bat jarri zuten mahai gainean euskalgintzako eragileek, ez dute ordea erantzunik jaso. Orain, lekuko planak ausartago jokatzeko aukera eskaintzen dutela ulertuta, lankidetzarako beharra eta prestutasuna erakutsi nahi izan dute.